عايشة ,,,,,بقلم الشاعر أحمد طلبة

عايشة =======
 أنا عايشه وبرسم ليا انا طريقي ومش شايفه لكن عايشه مجرد واحده جواها كتير أحلام لكن طايشه وهحكي لمين ومين يهتم وانا بصرخ وقلبي أصم ولا في حد مره اهتم بإحساسي اللي جوايا وبتحمل في قلبي كتير وأقول يمكن هيجي الخير لكن ولا حاسه انا بتغير تعبت يا دنيا وكفايا ============== أنا اللي الدنيا راضيه بجد تجرحها وانا الواحده اللي مالهاش حد فَرحها تعبت وعمري مالقيت حد يفهمني وحتي مشاعري ماقدر إني أشرحها أنا البسمه اللي بين دمعه ومكسوره أنا اللي لاعمري كنت ياخلق مغروره صحيح الحزن بملامحي ولا بيبان يادوب عايشه مابين الناس ومستوره وهحكي لمين ومين يهتم وانا بصرخ وقلبي أصم ولا في حد مره اهتم بإحساسي اللي جوايا وبتحمل في قلبي كتير وأقول يمكن هيجي الخير لكن ولا حاسه انا بتغير تعبت يا دنيا وكفايا ================ بتوحشني حياتي زمان ونفسي ساعات ولو ترجع لكن الماضي طبعاً مات ولا الأوجاع خلاص تنفع رضيت باللي انكتب ليا وبحمد ربي عالاحوال ودلوقتي انا ضحيه وحتي الحال دوامه محال وهحكي لمين ومين يهتم وانا بصرخ وقلبي أصم ولا في حد مره اهتم بإحساسي اللي جوايا وبتحمل في قلبي كتير وأقول يمكن هيجي الخير لكن ولا حاسه انا بتغير تعبت يا دنيا وكفايا ================= احمد طلبه