سحابة سودة,,,,بقلم الشاعر مسعد سليم

يا سِحابَه سُودَه عَدِي بزياداكي تعبنا منِّك الحكايه مش تحدي كُل مادا تضُخِّي سِمِّك قلبك اسود زي ناسِك خلُّوا كاس الغدر كاسِك واللي ضِدِّك يبقىٰ فاسِق وموتُه يبقىٰ كُل همِّك حللوا سَفك الدماء عَاثوا في الأرض الفساد يتِّموا ف كتير وِلاد شرُّهم زاد ف .. البلاد حِرمُوا أُم من ضناها وئدوا فرحَه بتتمنَّاها عاشت عُمر بتترجَّاها وخلُّوا حزن الأب زاد ربنِّا وحدُه اللي عالم بكُل قلب طالُه نارهُم وأد إيه زادوا المظالم وهدروا دم كأنُّه تارهُم في كتاب شاهد عليهُم مهما بيغمُّوا ف عنيهُم بُكرَه يجنوا عمل إيديهُم مهما تراودِهُم أمالهُم يا سِحابَه سُودَه عَدِي بزياداكي تعبنا منِّك الحكايه مش تحدي كُل مادا تضُخِّي سِمِّك سِحابَه سُودَه
✍ مسعد سليم