قصيده عاميه بعنوان :
((( مكر الوشوش )))
شوف الناس يا قلبى وشوف
شايف إزاى مكر الوشوش
ناس عالغدر .. دايمآ قادره
ناس يا قلبى ما يتعشروش
كنا فاكرينهم ---- ملايكه
لكن طلعوا ما يستهلوش
شوف الناس يا قلبى وشوف
شايف إزاى مكر الوشوش
------ مكر الوشوش ------
--------------------------
ناس تشوفهم من بعيد
تفتكرهم -------- طيبين
ولما تقرب وتعاشرهم
تلاقيهم -------- متلونين
ناس حقيقى غريبه وخاينه
بيعيشوا فى الدنيا بوشين
قدام منك يبقوا ملايكه
ومن وراك يبقوا منافقين
ناس تشوفهم من بعيد
تفتكرهم -------- طيبين
---------------------------
ناس يا قلبى ما يتعشروش
ناس حقيقى ما يستهلوش
شوف الناس يا قلبى وشوف
شايف إزاى مكر الوشوش
------ مكر الوشوش ------
-------------------------
ناس فى عيونا إحنا شيلناهم
وكنا يا قلبي بنخاف عليهم
لكن طلعوا ------- غدارين
يا خساره ... إتخدعنا فيهم
طلعوا ناكرين ---- للجميل
وياريتنا ما كنا ... عرفناهم
إوعى يا قلبي تانى تميل
ولا تحن --- وتشتاق ليهم
أصل المكر يا قلبي ماليهم
--------------------------
شوف الناس يا قلبى وشوف
شايف إزاى مكر الوشوش
ناس عاملينلك فيها ملايكه
وهما يا قلبي ما يتعشروش
ناس غداره وخاينه وجارحه
ناس صدقني ما يستهلوش
شوف الناس يا قلبى وشوف
شايف إزاى مكر الوشوش
------ مكر الوشوش ------
---------------------------
كلمات / ربيع السيد دسوقي
////////////////////
No comments:
Post a Comment
Note: Only a member of this blog may post a comment.